Námskeiðið Ritlist er í samstarfi við Svikaskáld, sex kvenna skáldakollektív. Saman hafa þær gefið út þrjár ljóðabækur og skáldsöguna Olíu (2021) sem hlaut tilnefningu til Íslensku bókmenntaverðlaunanna. Þær hafa haldið fjölmargar ritsmiðjur fyrir ungt fólk og staðið fyrir mánaðarlegum ljóðakvöldum í Gröndalshúsi.

Á ritlistarnámskeiði Svikaskálda munu nemendur kynnast fjölbreyttum hliðum skapandi skrifa og læra að nýta hin ýmsu tól úr verkfærakistu rithöfundarins. Námið skiptist í vinnustofur, heimaverkefni, þátttöku í rithringjum og tilsögn í upplestri. Kennsla fer fram eitt kvöld í viku, en þar fyrir utan vinna nemendur í textum sínum heima. Nemendur skila reglulega verkefnum til ritvina og kennara. Með ritvina fyrirkomulagi fá nemendur þjálfun í að veita og taka á móti gagnlegri endurgjöf og mynda samfélag skrifandi fólks. Námskeiðinu lýkur á upplestrarkvöldi og viðtalstíma með kennara þar sem nemendur fá ítarlega endurgjöf á skilaverkefni. Nemendur munu að námskeiði loknu hafa í handraðanum úrval af ólíkum textum sem gætu nýst fólki sem hefur hug á að sækja um frekara ritlistarnám á háskólastigi eða sem efniviður í áframhaldandi skrif.

Á námskeiðinu verður farið í ritlistar vinnuhelgi að hætti Svikaskálda á Sólheima í Grímsnesi. Gisting í tvær nætur og hádegis- og kvöldverður er innifalið í verði námskeiðsins.

Á námskeiðinu er fjallað um

• Upphaf, kveikjur og skrif.
• Líf listamannsins, að sækja sér innblástur.
• Prósa og ljóð - tækni, lestur, skrif og deiling.
• Óskáldaðan texta (non-fiction) - minningar, ferðasögur, esseyjur.
• Leikinn - raddir og samtöl, ósjálfráð skrif, súrrealísk skrif og pönk.
• Texta sem listform.
• Útgáfuferlið, sjálfsútgáfu og samstarf með forlögum. Endurskrif og ritstjórn.
• Framkomu og upplestur.

Ávinningur þinn

• Þú eykur færni þína í skrifum skapandi texta af ýmsum gerðum.
• Þú lærir að greina texta í ritstjórnarferli, veita og vinna úr uppbyggilegri endurgjöf.
• Þú öðlast færni í að beita ólíkum vinnuaðferðum rithöfunda.
• Þú kynnist grunnbókmenntahugtökum sem nýtast við skrif skapandi texta.
• Þú öðlast aukið sjálfstraust í eigin sköpun og skrifum.

Fyrir hverja

Ritlistarnámskeið Svikaskálda hentar þeim sem vilja öðlast meira sjálfstraust í eigin skrifum og kynnast ólíkum gerðum texta. Námskeiðið hentar þeim sem vilja sökkva sér í eigin ritstörf og skerpa rödd sína sem rithöfundar.

Aðrar upplýsingar

Mið. 3. sept. Upphaf, kveikjur og skrif

Mið. 10. sept. Líf listamannsins, að sækja sér innblástur. Skipað í ritvinnuhópa

Mið. 17. sept.,24. sept. og 1. okt. Prósi- tækni, lestur, skrif og deiling

Fös. 3. okt- sun. 5.okt. Helgarferð í anda Svikaskálda (gisting og hádegis og kvöldverðir innifalið í verði námskeiðsins.)

Mið. 8. og 15. okt. Ljóð- tækni, lestur, skrif og deiling

Mið. 22. og 29. okt. Óskáldaður texti (non fiction) - minningar, ferðasögur, esseyjur

Mið. 5. og 12. nóv. Leikurinn – raddir og samtöl, ósjálfráð skrif, súrrealísk skrif og pönk.  

Texti sem listform

Mið. 19. nóv. Útgáfuferlið, sjálfsútgáfa og samstarf með forlögum, hvernig kemur rithöfundur sér á framfæri? Endurskrif og ritstjórn. Skil á verkefni.  

Mið. 26. nóv. Framkoma og upplestur - þjálfun. 

Mið. 3. des. Endurgjöf á skilaverkefni. Hópsamtöl.

Mið. 10. des. Lokakvöld - upplestur 

Nánar um kennara

Melkorka Ólafsdóttir, tónlistarkona og rithöfundur.
Ragnheiður Harpa Leifsdóttir, sviðslistakona og rithöfundur.
Sunna Dís Másdóttir, rithöfundur og ritstjóri.
Þóra Hjörleifsdóttir, rithöfundur.
Þórdís Helgadóttir, rithöfundur og leikskáld.
Fríða Ísberg, rithöfundur.