Markviss áhættustýring dregur úr áhættu í rekstri fyrirtækja og eykur þannig virði þeirra. Markmiðið með námskeiðinu er að þátttakendur öðlist þekkingu og færni í notkun á helstu áhættuvörnum sem notaðar eru á innlendum fjármálamarkaði.
Á námskeiðinu verður farið yfir grunnatriði áhættustýringar, með það að markmiði að þátttakendur séu betur í stakk búnir að greina áhættur í rekstri fyrirtækja. Farið verður yfir helstu tegundir af áhættuvörnum og fjallað sérstaklega um afleiður. Námskeiðið er sniðið að innlendum aðstæðum og þeim áhættuvörnum sem fyrirtækjum hér á landi standa helst til boða.
Á námskeiðinu er fjallað um
Grunnatriði áhættustýringar. Áhættuvarnir og áhrif þeirra. Helstu tegundir afleiða. Gjaldeyrismarkað og íslensku krónuna.
Ávinningur þinn
Aukin meðvitund um áhættu í rekstri. Aukin þekking á helstu tegundum afleiða og hvernig þær eru notaðar til að stýra áhættu. Aukin þekking á áhættuvörnum.
Fyrir hverja
Námskeiðið er ætlað stjórnendum, greinendum og hagfræðingum sem koma að ákvörðunum um rekstur og fjármál fyrirtækja. Enn fremur nýtist það þeim sem vilja auka skilning sinn á áhættuvörnum.
Þetta námskeið hefur verið samþykkt af prófnefnd verðbréfaréttinda og veitir 3 klst. í endurmenntun vegna verðbréfaréttinda.
Nánar um kennara
Eggert Þ. Þórarinsson er aðstoðarframkvæmdastjóri fjármálastöðugleikasviðs Seðlabanka Íslands. Hann er vélaverkfræðingur frá HÍ, hefur meistaragráðu í fjármálum frá University of Cambridge og er löggiltur verðbréfamiðlari.
Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Kannaðu málið HÉR.
Mið. 8. maí. kl. 09:00 - 12:00
3 klst.
Eggert Þ. Þórarinsson, aðstoðarframkvæmdastjóri fjármálastöðugleikasviðs Seðlabanka Íslands
<span class="fm-plan">Markviss áhættustýring dregur úr áhættu í rekstri fyrirtækja og eykur þannig virði þeirra. Markmiðið með námskeiðinu er að þátttakendur öðlist þekkingu og færni í notkun á helstu áhættuvörnum sem notaðar eru á innlendum fjármálamarkaði.</span>
3 klst. 
Til baka í yfirlit 
