Ótal rannsóknir hafa leitt í ljós að sjóðstreymi getur fyrr gefið vísbendingar um erfiðleika í rekstri félags heldur en rekstrarreikningurinn gerir.

Meðan rekstrarreikningurinn gerir grein fyrir tekjum og gjöldum á reikningstímabilinu þá gerir sjóðstreymið grein fyrir innborgunum og útborgunum á sama tímabili. Þannig er það strangari prófsteinn á árangur af starfsemi félagsins. Stjórnendur hafa minna svigrúm til framsetningar á matskenndum stærðum í starfseminni. Lykilstærð sem fæst úr sjóðstreyminu er handbært fé frá rekstri. Forvitnilegt er að bera þessa stærð saman við niðurstöðutölu rekstrarreikningsins, sem kallast hagnaður (tap). Til lengri tíma litið eiga þessar stærðir að haldast í hendur. Oft er samt misbrestur á því.

Á námskeiðinu er fjallað um

Tilkomu sjóðstreymis sem kafla í ársreikningnum. Sögulega fróðleiksmola.
Tilganginn með sjóðstreymi og samhengi þess við rekstrar- og efnahagsreikning.
Form sjóðstreymis og uppbyggingu. Tvær mismunandi aðferðir við framsetninguna.
Gagnsemi af sjóðstreyminu.
Dæmi úr ársreikningum nokkurra félaga.
Smáverkefni í gerð sjóðstreymis leyst.

Ávinningur þinn

Dýpri skilningur á innihaldi ársreiknings.
Hættir að trúa á rekstrarreikninginn sem stóra-sannleik.
Betri skilningur á muninum á tekjum og gjöldum annars vegar og innborgunum og útborgunum hins vegar.
Skilningur á takmörkunum hinnar títtnefndu kennitölu EBITDA.

Fyrir hverja

Ætlað þeim sem eru þokkalega læsir á ársreikninga, en ekki vel að sér í gerð og uppbyggingu sjóðstreymis. Hentar ekki þeim sem hafa ekki innsýn í reikningsskil og eðli bókhalds.

Nánar um kennara

Bjarni Frímann Karlsson f.v. lektor í reikningshaldi og endurskoðun við Viðskiptafræðideild HÍ frá 2005.

Aðrar upplýsingar

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B – kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.