Endurmenntun HÍ býður upp á fjölbreytt úrval námsbrauta á margvíslegum sviðum á grunn- og framhaldsstigi háskóla auk námslína án eininga.
Námsframboð Endurmenntunar HÍ hverju sinni mótast fyrst og fremst af þörfum fagstétta og atvinnulífs fyrir ákveðna þekkingu. Námsbrautir eru ýmist sérhæfðar fyrir ákveðin fagsvið sem margar veita ECTS einingar en aðrar eru öllum opnar.
Lengd námsbrauta getur verið frá einu upp í fjögur misseri og eru þær skipulagðar þannig að hægt er að stunda námið samhliða starfi. Alla jafna er kennt í lotum sem þýðir að ein námsgrein er kennd í senn sem lýkur með prófi eða verkefni áður en næsta hefst. Þetta fyrirkomulag hentar fólki sem stundar nám með starfi einstaklega vel. Nokkrar námsbrautir er hægt að sækja bæði í staðnámi og í fjarnámi.
Markmið Endurmenntunar HÍ er að vera skilvirkur farvegur fyrir miðlun þekkingar til samfélagsins. Með það að markmiði er unnið með deildum Háskóla Íslands og öðrum samstarfsaðilum.
Starfsfólk Endurmenntunar HÍ leggur metnað í að nýta sérþekkingu sína til að veita fyrirmyndarþjónustu með áherslu á árangur og fagmennsku.