Námið samsvarar 60 ECTS einingum.

Markmið

Að kynna hugmyndafræði og nálgun jákvæðrar sálfræði þannig að nemendur geti nýtt sér hana bæði í einkalífi og starfi. Verkefni verða byggð upp þannig að hver og einn geti nýtt eigin reynslu og umhverfi og þannig aðlagað þau að sínum aðstæðum.

Kennslufyrirkomulag

Námið samanstendur af sex fimm daga lotum, frá mánudegi til föstudags með viðveru frá kl. 9:00 – 16:00. Fyrsta kennslulota er um miðjan sept. og síðan eru kennslulotur í nóv., jan., feb., og mars.
Í maí mánuði er haldið málþing og náminu lýkur síðan með formlegri útskrift í júní 2025

Fagráð

Benedikt Jóhannsson, sérfræðingur í klínískri sálfræði.
Dr. Dóra Guðrún Guðmundsdóttir, sálfræðingur, sviðsstjóri hjá Embætti landlæknis.
Dr. Edda Björk Þórðardóttir, PhD, sálfræðingur og lektor hjá Miðstöð í lýðheilsuvísindum.
Dr. Ingibjörg V. Kaldalóns, lektor á Menntavísindasviði HÍ.
Jóhanna Rútsdóttir, náms- og þróunarstjóri hjá Endurmenntun HÍ.
Elva Björg Arnarsdóttir, verkefnastjóri hjá Endurmenntun HÍ.

Fyrir hverja

Námið er ætlað einstaklingum sem lokið hafa þriggja ára grunnmenntun á háskólastigi eða sambærilegri menntun.
Námið er ætlað þeim sem hafa áhuga á jákvæðri sálfræði og faglegri nálgun á því að vinna með styrkleika bæði fyrir eigin persónulegan þroska sem og annarra. Námið getur því nýst fagfólki sem starfar við eða hefur áhuga á að efla sig á sviði stjórnunar, kennslu, náms- og starfsráðgjafar, sálfræðiþjónustu, lýðheilsu sem og við aðra heilbrigðis- og félagsþjónustu.

Lánshæft

Námsbrautin er lánshæf hjá Menntasjóði námsmanna.