Örfá sæti laus.

Leiðsögunám - áfangastaðurinn Ísland er hannað með það í huga að veita nemendum ítarlega og faglega þjálfun í leiðsögn um Ísland

Markmið

Markmið námsins er að uppfylla kröfur Evrópustaðalsins ÍST EN 15565:2008 og útskrifa leiðsögumenn sem eru tilbúnir að takast á við áskoranir sem fylgja starfinu og hafa færni og þekkingu til að veita ferðamönnum örugga, fræðandi og skemmtilega upplifun af Íslandi. Það að leggja áherslu á gæði og fagmennsku í leiðsögunámi stuðlar að bættri ímynd Íslands sem áfangastaðar og tryggir að gestir landsins fái sem besta þjónustu.
Nánari útlistun á lokaviðmiðum námsins er að finna í námsvísi.

Kennslufyrirkomulag

Námið í heild er hægt að taka á tveimur misserum. Þeir sem vilja geta tekið það á lengri tíma. Kennd er ein námsgrein í senn sem lýkur með rafrænni könnun og/eða verkefni áður en sú næsta hefst. Námið er bæði hægt að sækja í staðnámi og/eða fjarnámi. Fyrirlestrar eru teknir upp og nemendur geta hlustað á upptökur eftir að kennslustund lýkur.
Kennt er alla jafna á þri. og fim. kl. 17:00 - 19:55.

Námið er bæði hægt að sækja í staðnámi og fjarnámi. Fyrirlestrar eru teknir upp og nemendur geta hlustað á upptökur þegar þeim hentar.

Námsmat

Námsmat byggir á stuttum rafrænum könnunum, pistlum og verkefnum.
Þeir sem vilja útskrifast með staðfesta færni á erlendu tungumáli, þreyta munnlegt inntökupróf sem staðfestir lágmarksfærni á viðkomandi tungumáli og í framhaldinu þrjú munnleg próf á námstímanum. Færni er metin í samstarfi við Tungumálamiðstöð HÍ og stuðst er við Evrópska tungumálarammann (CEFR). Færniviðmið er á bilinu B2-C1 við lokamat. Greiða þarf 14.000 kr. aukalega fyrir hvert þreytt próf.

Fyrir hverja

Námið hentar öllum þeim sem vilja búa sig undir starf leiðsögumanns á Íslandi. Einnig getur námið verið kjörið fyrir þá sem vilja kynnast betur landi og þjóð og því er í boði að sækja stök námskeið eða námið að hluta án námsmats.

Umsókn

Ef umsækjandi hyggst þreyta munnleg próf í erlendu tungumáli er viðkomandi beðinn um að skrá tungumál í athugasemdir umsóknar. Ef umsækjandi hefur nú þegar staðfesta færni á bilinu B2-C1 skv. Evrópska tungumálarammanum er viðkomandi beðinn um að láta þá staðfestingu fylgja umsókninni. Gjald fyrir stöðumat á erlendu tungumáli skv. evrópska tungumálarammanum er ekki innifalið í námsgjöldum.

Aðrar upplýsingar

Nánari upplýsingar um námið og kennara má finna í námsvísi (pdf).

Hægt verður að sækja stök námskeið sem tilheyra leiðsögunáminu, slóðir á þau verða birtar í byrjun haustannar.

Hægt verður að sækja stök námskeið sem tilheyra leiðsögunáminu:

• Leiðsögumaðurinn 1 - hófst 3. sept.  
• Íslenskt nútímasamfélag - hefst 26. sept. Slóð á námskeið
• Veðurfræði, norðurljós og stjörnuskoðun - hefst 15. okt. Slóð á námskeið
• Íslandssaga - hefst 22. okt. Slóð á námskeið
• Íslensk menning - hefst 14. nóv. Slóð á námskeið
• Lífríki Íslands - hefst 7. jan. Slóð á námskeið
• Jarðfræði Íslands - hefst 30. jan. Slóð á námskeið
• Ferðaþjónusta og áhrif ferðamennsku - hefst 25. feb. Slóð á námskeið
• Leiðsögumaðurinn 2 - hefst 27. mars. Slóð á námskeið
• Áfangastaðurinn Ísland - hefst 3. apríl. Slóð á námskeið