Upplýsingar vegna Covid-19 aðgengilegar hér

Upplýsingar vegna Covid-19

Viðbrögð Endurmenntunar Háskóla Íslands við takmörkunum á samkomum

Samkvæmt reglugerð um takmörkun á samkomum sem gildir frá 25. maí til 16. júní 2021 falla úr gildi sérstakar takmarkanir um skólastarf sem í gildi hafa verið undanfarna mánuði. Sömu reglur munu því gilda um skólastarf og almennt í samfélaginu en verulega hefur verið dregið úr samkomutakmörkunum í nýrri reglugerð.

Grímuskylda fellur niður og hámarksfjöldi í hverju sóttvarnarrými er 150. Nálægðartakmörkun í skólastarfi er a.m.k. 1 M. Þar sem ekki er hægt að halda lágmarksfjarlægð milli einstaklinga sem ekki er í nánum tengslum skal áfram nota grímur.

Mikilvægt er að viðskiptavinir, kennarar og starfsfólk haldi sig heima ef veikinda verður vart. 

Fyrirvari um námskeið:

Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:

A – færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,

eða

B – kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Vakni upp spurningar vegna náms eða námskeiða er viðkomandi hvattur til að hafa samband við þjónustuborð Endurmenntunar með því að senda póst á netfangið endurmenntun@hi.is.

Hjá Endurmenntun er lögð áhersla á almennt hreinlæti og að gestir og starfsfólk hugi að persónulegum sóttvörnum þvoi hendur reglulega með sápu og vatni. Handsprittbrúsum hefur verið komið fyrir víða í húsakynnum EHÍ og eru allir hvattir til að nýta sér þá. Starfsfólk sótthreinsar stofur og almenna snertifleti reglulega.

Þessi síða verður áfram uppfærð með nýjustu upplýsingum eftir því hvernig málin þróast hverju sinni.

Þessi texti var síðast uppfærður 25. maí.