Staðnámskeið

Lifðu í sátt

- lærðu að nota aðferðir ACT til að takast á við erfiðleika í lífinu og öðlast meiri seiglu
Verð 59.300 kr.
Í gangi

Mán. 3. okt. - 7. nóv. kl. 20:00 - 22:00 (6x)

12 klst.

Hjördís Inga Guðmundsdóttir, sérfræðingur í klínískri sálfræði fullorðinna, sérmenntun í hugrænni atferlismeðferð og viðbótarmenntun í ACT

Endurmenntun, Dunhaga 7.

Námskeið

ACT (Acceptance and Commitment Therapy) er eitt örast vaxandi gagnreynda meðferðarformið í heiminum í dag. Það telst til þriðju bylgju hugrænnar atferlismeðferðar og miðar að því að auka sálfræðilegan sveigjanleika. ACT byggir á þeirri kenningu að í stað þess að bæla eða forðast sársaukafulla atburði séu núvitund og sátt sveigjanlegri viðbrögð gagnvart áskorunum lífsins.

Á námskeiðinu sem spannar sex vikur verður lögð áhersla á að kynna fyrir þátttakendum sálfræðilegan sveigjanleika til að auka þrautseigju og seiglu.

Með því að upplifa hugsanir, líkamleg viðbrögð og tilfinningar á sveigjanlegri hátt er hægt að draga úr neikvæðum afleiðingum þeirra.

Á námskeiðinu er fjallað um

Þú munt læra að:

Láta hluti gerast með skuldbindingu.
Öðlast frelsi með því að nota sjálfan þig sem samhengi.
Búa til fókus, sveigjanleika og lífsfyllingu með því að tengjast núinu.
Aftengjast hugsunum.
Verða sveigjanlegri með persónuleg gildi.
Valdefla þig í gegnum sátt.

Ávinningur þinn

Aukin hugræn þrautsegja og seigla .
Leiðir til að þróa og styrkja sálfræðilega sátt.
Að vera meira til staðar í núinu.
Hvernig megi koma í veg fyrir að hugrænar takmarkanir stoppi þig.
Leiðir til þess að nálgast gildin þín.

Fyrir hverja

Námskeiðið gagnast öllum sem hafa áhuga á að læra nýjar leiðir til að takast á við sjálfa sig og áskoranir í lífinu.

Nánar um kennara

Hjördís Inga Guðmundsdóttir hefur sérhæft sig í einstaklingsmeðferð fullorðinna og unnið umtalsvert með kvíða, þunglyndi, áráttu og þráhyggju og áfallastreitu. Hjördís var í nokkur ár verkefnastjóri áfallahjálpar hjá Rauða krossinum á Íslandi. Hún hefur unnið á Heilsugæslunni Sólvangi frá því 2018, rekið sína eigin stofu frá því 2013 og haldið ótal námskeið og fyrirlestra um fjölda viðfangsefna.

Hjördís Inga hefur lokið sérmenntun í hugrænni atferlismeðferð, ACT (Acceptance and Commitment Therapy) og hugrænni úrvinnslumeðferð. Hjördís lauk B.Sc. gráðu í sálfræði frá Háskóla Íslands árið 2009, diploma í alþjóða samskiptum frá Háskóla Íslands árið 2009 og M.Sc. í sálfræði frá Háskólanum í Árósum árið 2012. Árið 2019 lauk hún tveggja ára sérnámi í hugrænni atferlismeðferð og á árunum 2020 og 2021 lauk hún tveimur viðbótarnámskeiðum í ACT. Árið 2021 fékk Hjördís sérfræðileyfi í klínískri sálfræði fullorðinna frá Embætti landlæknis.

Aðrar upplýsingar

Engin tæki nauðsynleg en gott að mæta með skriffæri. Áhugasamir geta nálgast áhugaverð og stutt myndbönd með Dr. Russ Harris inni á youtube.com. Einnig gætu áhugasamir haft áhuga á að kynna sér bókina A liberated mind eftir Stephen C. Hayes (ekki krafa).

Námskeiðið hét áður Sálfræðilegur sveigjanleiki með ACT - Acceptance and Commitment Therapy.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Lifðu í sátt

Verð
59300

<span class="fm-plan">ACT (Acceptance and Commitment Therapy) er eitt &ouml;rast vaxandi gagnreynda me&eth;fer&eth;arformi&eth; &iacute; heiminum &iacute; dag. &THORN;a&eth; telst til &thorn;ri&eth;ju bylgju hugr&aelig;nnar atferlisme&eth;fer&eth;ar og mi&eth;ar a&eth; &thorn;v&iacute; a&eth; auka s&aacute;lfr&aelig;&eth;ilegan sveigjanleika. ACT byggir &aacute; &thorn;eirri kenningu a&eth; &iacute; sta&eth; &thorn;ess a&eth; b&aelig;la e&eth;a for&eth;ast s&aacute;rsaukafulla atbur&eth;i s&eacute;u n&uacute;vitund og s&aacute;tt sveigjanlegri vi&eth;br&ouml;g&eth; gagnvart &aacute;skorunum l&iacute;fsins.</span>