Upplýsingar vegna Covid-19 aðgengilegar hér

Staðnámskeið

Garðfuglar

- fóðrun og aðbúnaður
Afsláttur af námskeiðsgjaldi.
Snemmskráning til og með 9. janúar
Almennt verð 15.200 kr. 13.800 kr.

Mið. 19. jan. kl. 19:30 – 22:00

2.5 klst.

Örn Óskarsson, líffræðingur og framhaldsskólakennari

Endurmenntun, Dunhaga 7.

Námskeið

Á námskeiðinu er fjallað í máli og myndum um helstu tegundir garðfugla sem búast má við á Íslandi, einnig þær sjaldgæfari, og mismunandi fæði sem hentar hverri tegund. Farið er yfir helstu gerðir fóðrara, ásamt mikilvægi hreinlætis og aðgengis að hreinu vatni á gjafastað. Einnig er fjallað um tré, blóm og runna sem laða að fjölbreyttar tegundir garðfugla.

Rúmlega 50 fuglategundir hafa sést í einstökum görðum á Íslandi. Á námskeiðinu verður fjallað um helstu tegundir sem búast má við í íslenskum görðum, sýndar myndir af fuglunum, farið í helstu náttúrulegar fæðugerðir vetur og sumar og hvað sé best að bjóða þeim ef þeir sýna sig í garðinum.

Farið er yfir helstu gerðir fóðrara og fóðurgerðir og hvar hægt er að kaupa slíkan varning. Hreinlæti er mikilvægt þar sem mikill fjöldi fugla kemur saman á einn stað og eru lengi á fóðrum. Sömuleiðis er mikilvægt að fuglar hafi aðgengi að hreinu vatni á gjafastað.
Á námskeiðinu er fjallað um garðagróður (blóm, runna og tré) sem er eftirsóttur af fuglum og hvetur til heimsókna garðfugla. Með vaxandi gróðri og meiri fjölbreytni eykst fjöldi og fjölbreytni fugla sem sækir garða heim bæði sumar og vetur.

Það er margt hægt að gera til að lokka að fugla sem geta veitt fólki ánægju árið um kring.

Á námskeiðinu er fjallað um

Helstu tegundir garðfugla á Íslandi.
Hvernig hægt er að gera garðinn aðlaðandi fyrir fugla (gróður, fóður, vatn, varpstaðir).
Helstu fóðurgerðir fyrir garðfugla – hvað hentar hverri tegund.
Fóðurgjafa og hreinlæti.

Ávinningur þinn

Þú lærir að þekkja helstu fuglategundir sem heimsækja garða
Þú færð upplýsingar um fóðurgerðir, fóðrara og hvar hægt er að nálgast fóðurvörurnar.
Þú færð upplýsingar um varpkassa sem henta hverri garðfuglategund.
Þú færð upplýsingar um uppbyggingu garðs þannig að hann verði eftirsóttur af fuglum.

Fyrir hverja

Fyrir allt áhugafólk um garðfugla og fóðrun þeirra.

Aðrar upplýsingar

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
Afæra námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
Bkenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Nánar um kennara

Örn Óskarsson er líffræðingur og framhaldsskólakennari. Hann kenndi raungreinar við Fjölbrautaskóla Suðurlands og víðar í áratugi. Örn er áhugamaður um fuglarannsóknir, fuglaljósmyndun, garðrækt og skógrækt. Hann hefur stundað rannsóknir á fuglalífi í Veiðivötnum og víðar í áratugi. Enn fremur er hann félagi í Fuglavernd og hefur verið þar með fyrirlestra.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Garðfuglar

Verð
15200

<span class="fm-plan">&Aacute; n&aacute;mskei&eth;inu er fjalla&eth; &iacute; m&aacute;li og myndum um helstu tegundir gar&eth;fugla sem b&uacute;ast m&aacute; vi&eth; &aacute; &Iacute;slandi, einnig &thorn;&aelig;r sjaldg&aelig;fari, og mismunandi f&aelig;&eth;i sem hentar hverri tegund. Fari&eth; er yfir helstu ger&eth;ir f&oacute;&eth;rara, &aacute;samt mikilv&aelig;gi hreinl&aelig;tis og a&eth;gengis a&eth; hreinu vatni &aacute; gjafasta&eth;. Einnig er fjalla&eth; um tr&eacute;, bl&oacute;m og runna sem la&eth;a a&eth; fj&ouml;lbreyttar tegundir gar&eth;fugla.</span>