Í samstarfi við Samtök sálfræði- og uppeldisfræðikennara

Erindi Súsönnu kallast „Virkir kennsluhættir og nemendamiðun“ og fjallar um áhugaverðar kennsluaðferðir, verkefni og tæki. Áhersla verður lögð á að þátttakendur fái fræðslu og þjálfun í kennsluaðferðum sem efla virkni nemenda í tímum. Um er að ræða fræðslu og verklega þjálfun fyrir þátttakendur.

Á seinni hluta námskeiðsins verða kynningar og fræðsla um áhugaverð verkefni og námskeið sem sálfræði- og uppeldisfræðikennarar hafa reynslu af. Kennararnir segja frá gagnlegum verkefnum, aðferðum og leiðum í kennslu. Kynntir verða áhugaverðir áfangar eins og Blekkingar hugans og Umhverfissálfræði.

Fyrir hverja

Námskeiðið er sérstaklega ætlað sálfræði- og uppeldisfræðikennurum í framhaldsskólum og kennurum á öðrum skólastigum, ef pláss leyfir.

Námskeiðið er starfandi framhaldsskólakennurum í að minnsta kosti 50% starfi, að kostnaðarlausu en aðrir greiða 28.900 kr.,sem endurspeglar ekki almennt námskeiðsverð. Þeir sem óska eftir því að sækja námskeiðið á sinn kostnað eru beðnir um að láta vita með því að hafa samband við EHÍ í síma 525 4444 eða senda tölvupóst á endurmenntun@hi.is eftir að skráning hefur verið framkvæmd og greiðsluseðill verður sendur viðkomandi.

Aðrar upplýsingar

Upplýsingar um endurgreiðslu á ferða- og gistikostnaði þátttakenda utan af landi vegna þátttöku á sumarnámskeiðum má finna hér: Ferða- og gistikostnaður 2022 (PDF).