Upplýsingar vegna Covid-19 aðgengilegar hér

Staðnámskeið

Churchill

Afsláttur af námskeiðsgjaldi.
Snemmskráning til og með 21. maí
Almennt verð 27.300 kr. 24.800 kr.
Nýtt

Mán. 31. maí, 7. og 14. júní kl. 19:30 - 21:30 (3x)

6 klst.

Illugi Jökulsson, rithöfundur

Endurmenntun, Dunhaga 7.

Námskeið

Winston Churchill var holdgervingur breska heimsveldisins á efstu dögum þess og ennfremur baráttunnar gegn Hitler í síðari heimsstyrjöld. Sumir telja að hann hafi bjargað Evrópu undan áþján nasista. En hver var þessi stórbrotni maður?

Barátta Churchills gegn Hitler er aðeins einn þáttur á ótrúlegum ferli. Margir telja forsætisráðherrann mestu hetju 20. aldar en svo eru aðrir sem fordæma hann sem heimsvaldasinna og rasista og geta vissulega bent á ýmislegt máli sínu til stuðnings. Illugi mun fjalla um allar hinar ólíku hliðar Churchills, leyfir honum að njóta sín en dregur hvergi fjöður yfir það sem gagnrýna má. Churchill var það sem kallað er á ensku „larger than life“ og þátttakendur á námskeiðinu fá sannarlega að upplifa það.

Á námskeiðinu er fjallað um

Breska heimsveldið: Hver var bakgrunnur þessa stórmennis 20. aldar?
Fyrri heimsstyrjöldina: Hver voru áhrif Churchills á stríðsreksturinn, t.d. við Gallipoli og síðar í upphafi rússnesku byltingarinnar?
Árin milli stríða: Churchill var skarpskyggnari en flestir aðrir þegar hann hamaðist gegn uppgangi Adolfs Hitlers í Þýskalandi.
Seinni heimsstyrjöldina: Hefðu Bretar gefist upp ef hann hefði ekki stappað í þá stálinu? Gekk samvinna hans við Stalín of langt í stríðslok?
Eftirstríðsárin: Hvernig höndlaði hann nýjan heim?
Arfleifð Churchills nú á tímum

Ávinningur þinn

Þú kynnist merkilegum persónuleika Churchills, hann var breyskur en stórbrotinn.
Þú færð góða þekkingu á sögu Evrópustyrjaldanna á 20. öld þar sem Churchill spilaði stórt hlutverk, ekki síst í þeirri seinni.
Þú færð að heyra marga óborganlega ræðubúta og snjallyrði sem Churchill lét sér um munn fara á langri ævi.
Þú færð fróðleik um þær helstu óteljandi bækur, bíómyndir og sjónvarpsþætti þar sem fjallað hefur verið um ævi hans frá mörgum hliðum.

Fyrir hverja

Námskeiðið er fyrir alla sem hafa áhuga hafa á sögu og stjórnmálum. Efnistök Illuga eru sniðin fyrir þá sem þekkja sögu Bretlands 20. aldar og heimstyrjaldarinnar síðari í stærstu dráttum en sérfræðiþekkingar er alls ekki krafist. Rétt er að taka fram að þeir sem best eru lesnir um ævi Churchills munu eflaust ekki heyra neitt beinlínis nýtt á svo stuttu námskeiði en þeir geta þó haft bæði gagn og gaman af því að rifja upp kynnin af Churchill, ræða og meta ævi hans og áhrif. Illugi leggur mikið upp úr þátttöku fólks í umræðum og fagnar spurningum, útleggingum og frekari fróðleik frá þátttakendum í námskeiðum sínum.

Aðrar upplýsingar

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
A færa námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
B kenna námskeiðið sem fjarnámskeið í gegnum ZOOM á áður auglýstum tíma.

Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Nánar um kennara

Illugi Jökulsson hefur haldið fjölda námskeiða fyrir Endurmenntun HÍ síðastliðinn áratug um allt frá Jesú Kristi til Adolfs Hitlers; Rómarkeisara til Indlandssögu. Námskeiðin eru sniðin fyrir fróðleiksfúsan almenning.

Churchill

Verð
27300

<span class="fm-plan">Winston Churchill var holdgervingur breska heimsveldisins &aacute; efstu d&ouml;gum &thorn;ess og ennfremur bar&aacute;ttunnar gegn Hitler &iacute; s&iacute;&eth;ari heimsstyrj&ouml;ld. Sumir telja a&eth; hann hafi bjarga&eth; Evr&oacute;pu undan &aacute;&thorn;j&aacute;n nasista. En hver var &thorn;essi st&oacute;rbrotni ma&eth;ur?</span>