Upplýsingar vegna Covid-19 aðgengilegar hér

Staðnámskeið

Fjármál við starfslok

Verð 15.300 kr.
Aðeins 5 sæti laus

Þri. 11. maí kl. 16:15 - 19:15

3 klst.

Björn Berg Gunnarsson, deildarstjóri greiningar og fræðslu Íslandsbanka

Endurmenntun, Dunhaga 7.

Námskeið

Fróðlegt og gagnlegt námskeið um það sem mikilvægast er að hafa á hreinu þegar starfsævi lýkur. Vandlega verður farið yfir þær breytingar sem vefjast fyrir mörgum, svo sem varðandi Tryggingastofnun, lífeyrismál, skatta og sparnað.

Með aukinni þekkingu má spara umtalsverðar fjárhæðir auk þess sem við fáum betri yfirsýn yfir væntar tekjur þegar lífeyrisgreiðslur taka við af launatekjum.

Á námskeiðinu er fjallað á einföldu og skýru máli um reglur vegna skerðinga Tryggingastofnunar, skatta á sparnað, lagalegt öryggi bankareikninga og ríkisskuldabréfa og fleira sem fróðlegt er að vita þegar komið er á lífeyrisaldur.

Á námskeiðinu er fjallað um

• Nýjustu breytingar á greiðslum og skerðingum Tryggingastofnunar.
• Áhrif skatta á sparnað og tekjur.
• Kosti og galla þess að flýta eða seinka töku lífeyris.
• Ráðstöfun séreignarsparnaðar og áhrif hans á aðrar tekjur.
• Áhrif þess að halda áfram að vinna eftir 67 ára aldur.
• Ávöxtun fjármuna á eftirlaunaaldri.

Ávinningur þinn

• Umtalsverður fjárhagslegur ávinningur getur fylgt aukinni þekkingu á lífeyris-, skatt-, og tryggingakerfinu.
• Minni líkur á endurkröfu frá Tryggingastofnun, ófyrirséðum skattgreiðslum ofl.
• Skýrari hugmynd um þær tekjur sem koma til með að taka við af launagreiðslum við starfslok.
• Minni áhyggjur samhliða aukinni þekkingu.

Fyrir hverja

Námskeiðið hentar öllum þeim sem nálgast eftirlaunaaldur eða hafa nýverið hætt að vinna, óháð tekjum eða eignum.

Aðrar upplýsingar

Fyrirvari
Ef óviðráðanlegar aðstæður, s.s. sóttvarnarreglur, koma í veg fyrir að hefðbundin kennsla geti farið fram í húsnæði Endurmenntunar á auglýstum námskeiðstíma verður brugðist við með því að:
Afæra námskeiðið og kynna skráðum þátttakendum nýjar dagsetningar með eins góðum fyrirvara og unnt er,
eða
Bkenna námskeiðið sem fjarnámskeið í gegnum ZOOM á áður auglýstum tíma.
Komi til ofangreindra breytinga fá skráðir þátttakendur allar nauðsynlegar upplýsingar sendar í tölvupósti og geta þeir þá tekið ákvörðun um skráningu sína í ljósi breyttra forsenda.

Nánar um kennara

Björn Berg Gunnarsson er deildarstjóri greiningar og fræðslu Íslandsbanka. Hann hefur sérhæft sig í fræðslu um fjármál við starfslok, hefur haldið yfir 100 fræðslufundi um efnið um allt land og er reglulegur greinahöfundur í riti Landssambands eldri borgara. Björn hefur áður haldið námskeið um sparnað eldri borgara hjá ENDURMENNTUN HÍ.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Kannaðu málið HÉR.

Fjármál við starfslok

Verð
15300

<span class="fm-plan">Fr&oacute;&eth;legt og gagnlegt n&aacute;mskei&eth; um &thorn;a&eth; sem mikilv&aelig;gast er a&eth; hafa &aacute; hreinu &thorn;egar starfs&aelig;vi l&yacute;kur. Vandlega ver&eth;ur fari&eth; yfir &thorn;&aelig;r breytingar sem vefjast fyrir m&ouml;rgum, svo sem var&eth;andi Tryggingastofnun, l&iacute;feyrism&aacute;l, skatta og sparna&eth;.</span>