Fjallað verður um viðbrögð barna og unglinga við ýmsum breytingum í lífi þeirra s.s. vegna skilnaðar, flutninga, vinamissis, dauða gæludýra og dauða nákominna. Veitt er innsýn inn í heim þeirra þegar þau upplifa sorg og missi við þessar aðstæður og hvaða úrræðum við getum beitt þeim til stuðnings.

Á námskeiðinu er fjallað um

Sorg og sorgarferlið.
Viðbrögð barna og unglinga í sorg.
Að lesa í umhverfið og myndir sorgarinnar.
Viðbrögð okkar og úrvinnslu.
Úrræði til hjálpar „skyndihjálparkassinn“.

Ávinningur þinn

Að gera þig læsari á viðbrögð barna og unglinga í sorg.
Að þekkja betur þín eigin viðbrögð.
Að auka styrk þinn og getu til að mæta barni eða unglingi í sorg.
Að hafa á takteinum hinn „andlega skyndihjálparkassa.“

Fyrir hverja

Námskeiðið er ætlað öllum sem starfa með börnum og unglingum, t.d. grunn- og leikskólakennurum, sérkennurum, námsráðgjöfum, þroskaþjálfum, skólahjúkrunarfræðingum, íþrótta- og tómstundastarfsmönnum og stuðningsfulltrúum.

Nánar um kennara

Guðný Hallgrímsdóttir Mth er starfandi prestur. Hún er með tvö meistarapróf í sálgæslufræðum og hefur einnig lagt stund á námsráðgjöf og fötlunarfræði. Hún hefur um þriggja áratuga reynslu af því að vinna með og mæta fólki í sorg á öllum aldri. Hún hefur skrifað bók um sorgina og ólíkar/mismunandi myndir hennar og haldið fyrirlestra víða um sorg og sorgarviðbrögð.