Fréttayfirlit

Fróðleikur og skemmtun á vormisseri 2021

Í dag kom út hjá Endurmenntun glæsilegur rafrænn bæklingur um allt það helsta sem er á döfinni á vormisseri í flokknum persónuleg hæfni. Bæklingurinn er veglegri en áður þar sem við höfum bætt við nokkrum vel völdum námskeiðum fyrir atvinnulífið og einnig sett inn úrval styttri námslína sem fara af stað núna á næstunni.

Breyttar reglur um takmarkanir á samkomum frá 4. maí

Endurmenntun opnar dyr sínar að nýju eftir COVID19 lokun þann 4. maí n.k.  Kennsla námskeiða og námsbrauta verður með hefðbundnu sniði í húsnæði stofnunarinnar.

TILKYNNING VEGNA COVID-19 OG SAMKOMUBANNS

Í ljósi þess að heilbrigðisráðherra hefur sett á samkomubann og kveðið á um að Háskóla Íslands verði lokað í fjórar vikur mun Endurmenntun einnig loka og engin kennsla verða í húsnæði stofnunarinnar. Kappkostað verður að sýna viðskiptavinum og kennurum allan þann sveigjanleika sem EHÍ getur veitt miðað við aðstæður. Lagt verður kapp á að kennsla haldi áfram í formi fjarkennslu svo að nám riðlist sem minnst. Ef ekki tekst að bjóða upp á fjarkennslu mun kennsla frestast fram á vor. Viðskiptavinir fá upplýsingar um hvernig kennslu verður háttað á næstu dögum.

Röð námskeiða um spendýr á Íslandi

Í mars verður haldin hjá Endurmenntun röð námskeiða um spendýr á Íslandi. Fyrsta námskeiðið hefst mánudaginn 2. mars og þar mun Ester Rut Unnsteinsdóttir, líffræðingur hjá Náttúrufræðistofnun Íslands fjalla um refi, næst mun Erlingur Hauksson, sjávarlíffræðingur fjalla um seli, á þriðja námskeiðinu mun Edda Elísabet Magnúsdóttir, sjávar- og atferlisvistfræðingur fjalla um hvali og að lokum fáum við að vita allt um hreindýr hjá Skarphéðni G. Þórssyni, líffræðingi hjá Náttúrustofu Austurlands.

Lokað vegna veðurs

Í ljósi slæmrar veðurspár verður lokað hjá Endurmenntun á morgun, föstudaginn 14. feb. Appelsínugul viðvörun hefur verið sett yfir landið og við vonum að fólk fari varlega og haldi sig innan dyra á meðan versta veðrið gengur yfir. Húsið opnar samkvæmt dagskrá á laugardaginn.

Lifandi menning hjá EHÍ

Nú er nýtt ár gengið í garð og dagskráin hjá ENDURMENNTUN hefur sjaldan verið fjölbreyttari. Sérstaklega er gaman að vekja athygli á lifandi menningarnámskeiðum sem eru tilvalin fyrir þá sem vilja auðga andann með vorinu.

0