Fréttayfirlit

TILKYNNING VEGNA COVID-19 OG SAMKOMUBANNS

Í ljósi þess að heilbrigðisráðherra hefur sett á samkomubann og kveðið á um að Háskóla Íslands verði lokað í fjórar vikur mun Endurmenntun einnig loka og engin kennsla verða í húsnæði stofnunarinnar. Kappkostað verður að sýna viðskiptavinum og kennurum allan þann sveigjanleika sem EHÍ getur veitt miðað við aðstæður. Lagt verður kapp á að kennsla haldi áfram í formi fjarkennslu svo að nám riðlist sem minnst. Ef ekki tekst að bjóða upp á fjarkennslu mun kennsla frestast fram á vor. Viðskiptavinir fá upplýsingar um hvernig kennslu verður háttað á næstu dögum.

Árlegt kennaraboð

Í síðustu viku héldum við okkar árlega kennaraboð. Það voru glaðir og áhugasamir kennarar sem komu, til að sjá hver annan og hlusta á örnámskeiðið "Himnasending - Í skýjunum með Google" með Maríönnu Friðjóns. 

Nýir bæklingar

Við vorum að fá tvo nýja bæklinga um námskeið á haustmisseri úr prentun. Eins og endranær er framboð námskeiða afar fjölbreytt.

Nýr vefur

Í vikunni fór í loftið nýr vefur Endurmenntunar sem við erum afar stolt af. Vefurinn er nú skalanlegur fyrir snjalltæki og mikil útlitsleg breyting hefur átt sér stað.

Laus sæti í námsbrautir

Við eigum nokkur sæti laus í námsbrautir í haust. Við hvetjum áhugasama til að sækja um sem fyrst. 

Ertu á leið í háskólanám?

Fjölbreytt undirbúningsnámskeið fyrir háskólanám eru á dagskrá hjá okkur í ágúst. Snemmskráning til og með 30. júní

0