Samningagerð og "Samningahagfræði" - Hvernig tryggjum við hagsmuni okkar með samningum?
Námskeiðið er ætlað öllum sem vinna við samningagerð, svo sem verkkaupum, verktökum, framkvæmdaaðilum, ráðgjöfum, fasteignasölum, lögfræðingum, verkfræðingum og öðrum sem áhuga hafa á gerð samninga.
Skráningarfrestur er til 25. október 2010.
Á námskeiðinu verður farið yfir hvernig æskilegt er að gera samninga úr garði þannig að þeir tryggi í raun þá hagsmuni sem þeim er ætlað að tryggja. Fjallað verður um uppbyggingu samninga, orðalag þeirra, helstu atriði sem hafa ber í huga til að tryggja að samningar hafi tilætluð áhrif og hvernig unnt er að skapa verðmæti með samningum. Í því sambandi verður meðal annars fjallað um "góð" og "vond" samningsákvæði og hvernig greina megi þar á milli. Þá verður fjallað um áhrif ójafnræðis í upplýsingum sem samningsaðilar búa yfir, hættuna á því að aðilar misnoti aðstöðu sína við efndir samnings og hvernig leysa má úr vandræðum sem geta skapast við þær kringumstæður. Einnig verður fjallað um hvernig bregðast má við hættunni á því að samningsaðili verði of háður gagnaðila sínum og efndum samnings. Umfjöllunin um framangreind atriði lýtur einkum að því sem nefna mætti "hagfræðina" á bakvið samninga og nauðsyn þess að skapa réttar hvatir fyrir samningsaðila til að standa við skuldbindingar sínar.
|
|
Kennsla / umsjón:
Viðar Lúðvíksson, hrl. og einn eigandi lögmannsstofunnar Landslög
Hvenær: Þri. 2. nóv. kl. 16:15-19:00 og mið. 3. nóv. kl. 9:00-12:00 (2x)
Verð: 18.800 kr.
|